Мишечкин Дмитрий

Шачсь 3 июльста 1982 кизоня. 2004 кизоня Н.П.Огарёвонь лемса Мордовскяй государственнай университетть (национальнай культурань факультетсь, «Актёрское искусство» специальностсь) шумордамда меле сась работама Мокшень-эрзянь национальнай драмань театрав актёркс. Дебютокс и творческяй оцю куцеманякс артистти арась мокшэрзянь эпость коряс «Тюштя» спектакляса старейшинань рольсь. Тя работать мархта сон ульсь финно-угрань народонь театрань Международнай фестивальса. Дмитрий налхксь кемоньда лама ведущай рольда.

2007 кизоня «Латось сыргась» («Крыша поехала») В.Шукшинонь азксонзон коряс спектакляса Веня Зяблицкяйнь роленц инкса теенза максфоль «Алянь инь цебярь роль» Мордовия Республикань Оцюнять премияц.

2011 кизоня А.Толстоень «Алюха» («Делец») пьесанц коряс спектакляса Мебиусонь рольть инкса теенза максфоль «Алянь инь цебярь роль» Мордовия Республикань Оцюнять премияц. 2016 кизоня казьф Мордовия Республикань туризмань и культурань Министерствань Почётнай грамотаса.

2017 кизоня «Стакшинь история» («Очень простая история») спектакляса Шабрань рольть инкса теенза максфоль «Омбоце планонь инь цебярь роль» Мордовия Республикань Оцюнять премияц.

2018 кизоня «Майатул» финно-угрань народонь Международнай XII фестивальса «Велень ризнэмат» («Деревенские страсти») спектакляса Колянь рольть инкса «Омбоце планонь инь цебярь роль» номинацияса казьф дипломса.

2019 кизоня теенза максф «Мордовия Республикань Заслуженнай артист» лем.

2020 кизоня В.Мишанинать пьесанц коряс «Куйгорож» спектакляса Пятань рольть инкса теенза максфоль «Алянь инь цебярь роль» Мордовия Республикань Оцюнять премияц. 2020 кизоня В.Мишанинать пьесанц коряс «Куйгорож» спектакляса Пятань рольть инкса теенза максфоль «Алянь инь цебярь роль» («Майатул» финно-угрань народонь театрань международнай XIII фествиальсь, Йошкар-Ола ошсь); «Волжская сказка» национальнай ТЮЗ-нь и од ломанень театрань международнай V фестивальса В.Мишанинать пьесанц коряс «Куйгорож» спектакляса Пятань рольть инкса сон казьф жюринь специальнай дипломса (Чебосары ошсь).

РЕПЕРТУАРОНЬ ЛОПАСЬ