Эрть сонцень урмац
Галина Самаркина / Андрей Анисимов
Дмитрий Васькин
Виктор Чичайкин
Кузьма Абрамовонь 100 кизонзонды театрась мрдафтозе сцена лангс «Эрть сонцень урмац» содавикс комедиянц. Тя – пьесать колмоце путомац: васенцесь тифоль 60-це кизотнень, омбоцесь – 90-цетнеста. И вов тяни театрань актёрхне Галина Самаркина и Андрей Анисимов панчсазь 21 веконь Абрамовонь образонзон.
Фкя веленяса эряй эзярь-безярь мирдсь, кафта шабань алясь, ингольдень бухгалтерсь и писарсь Кальдиркин. Мария авац кирдьсыне сембе сонь «эсь лацонь ширензон». Парёниха шабрась смузюста корхтай урматнень колга: «Аш масторлангса шумбра ломатть. Ошстотнень сиви прянь урмась, веленнетнень сяда сидеста копореннесь-пакареннесь. Аньцек ули марстонь урмавок – Кильдиркинонь (лиякс, симома), тя зиянць сембонди пиди, мезтьке лангс аф ваны».
Тевсь вихонзай, мзярда вели сайхть од ломатть: Кальдиркитненди сай Мариянь альнякац Миколь, а Сакалкитненди – Светлана уноксна. Аньцек Миколень учсь Анюра, эсь веленнест… И вов оттнень эсь урмасна шачи – кельгомась. Косовок аш сембе урматнень эзда пчкафтомбяль. Да, пади, сон афи эряви?
Премьерась ульсь 7 октябрьста 2015 кизоня.