Михайлов Павел

Шачсь 3 августста 1985 кизоня. Н.П.Огарёвонь лемса Мордовскяй государственнай университетть (национальнай культурань факультетсь, «Актёрское искусство» специальностсь) шумордамда меле 2010 кизоня сась работама Мокшень-эрзянь национальнай драмань театрав актёркс. Сон сонць сёрмады и морай морот. Налхки пцтай сембе спектаклятнень эса.

2014 кизоня арась Мордовия Республикань Оцюнянь театральнай искусстваса премиянц лауреатокс «Ташто койсэ» Ксения Петровать пьесанц коряс спектакляса омбоце планонь сембода цебярь рольть (Спиря) инкса.

Казьф Мордовия Республикань СТД-нь Почётнай грамотаса «Не забывай незабываемое» спектакляса музыкальнай роленц инкса.

2017 кизоня казьф Мордовия Республикань культурань и национальнай политикань Почётнай грамотаса. Казьф «Поют актёры драматических театров» «Товарищ память» Республикань II фестивалень-пялькстамонь II степенень лауреатонь дипломса (2017).

2019 кизоня теенза максф «Лауреат премии Главы Республики Мордовия» почётнай лем «Азор» эрзянь кяльса полнометражнай художественнай фильмань тиеманцты путфксть инкса. Мордовия Республикань театральнай искусствать касфтоманцты оцю путфксонц инкса и «Штатол» национальнай театрань Сембе Россиянь II-це фестивальть анокламанц и ётафтоманц коряс лезксонц инкса казьф Культурань министрань Благодарностьса. Казьф Мордовия Республикань Оцюнянь Благодарностьса.

2022 кизоня «Майатул» финно-угрань народонь театрань международнай XIV фестивальса сяськсь «Алянь инь цебярь рольсь» номинацияса «Эрьзя. Валдос ливтиця» спектакляса Эрьзянь рольть инкса. 

2023 кизоня казьф Мордовия Республикань Государственнай собраниянь Почётнай грамотаса.

РЕПЕРТУАРОНЬ ЛОПАСЬ