Тевсь моли Азорть калдазса, коса эряйхть Тракссь, Алашась и Тувось, сувсихть тиезост Атякшсь и Пинесь. Варкшни тоза Шабраське – Азорть кяшф паньфканц салама, тонань Лёшка цёрац – салава ласьконди Дашкань, Азорть стиренц мархта, васьфнема. Тяса, латапряса, ётась кельгомань весновок, мезьда меле стирсь пекиясь…

Азорсь пяк аф кельгсыне фалу ирецта Шабрать цёранц мархта. Сонь валоц тяфтама: мезське аф кошардсы сотовомс синь семьяснон мархта, сяс стирть эряви ускомс ошу шабань каяма.

Жувататне аф аньцек сетьмоста ваныхть сембе ня тефнень мельге . Синь пичедихть, ризнайхть ломаттнень инкса. Синь арьсихть, корхтайхть эсь ётковаст кода ломатть, аньцек седисна сяда ляпт и мяльсна сяда валтт.

«Шабань каямась – тя оцю грех, тя, лисенди, шавомс авать потмоса апак шачфт шабать! Мезенди? Тяфта тиендихть аньцек ломаттне. Мезе тиема Дашкань иднянц ванфтоманкса?..»

И пеетькшнематне архтовихть пяк кальдяв тюсса. Тяфтама тефт сидеста эрсихть минь мастороньконь келева: мокшень, эрзянь, маринь, рузонь… Хуш кардамань валсь лама пинкта тяда инголе сёрматфоль сембода оцю Книгаса: «Тят шава!».

Премьерась ульсь 14 октябрьста 2016 кизоня.

ФОТОКУРО