Гудожникова Елена
Шачсь 14 февральста 1970 кизоня. Шумордазе Н.П.Огарёвонь лемса Мордовскяй государственнай университетонь филологиянь факультетть. 1992 кизоста сявомок работай Мокшень-эрзянь национальнай драмань театраса. Налхки лама спектакляса.
Л.Толстоень «Власть тьмы» пьесанц коряс спектакляса Маринкань роленц инкса арась Мордовия Республикань Оцюнянь премиянь лауреатокс (2012к.).
Ули национальнай театральнай искусствати путфксонкса Мордовия Республикань культурань министрань Благодарностец. Казьф «Поют актёры драматических театров» «Товарищ память» Республикань II фестивалень-пялькстамонь III степенень лауреатонь дипломса (2017).
2018 кизоня «Майатул» финно-угрань народонь театрань международнай XII фестивальса казьф дипломса «Авань сембода цебярь рольсь» номинацияса «Велень ризнэмат» (Деревенские страсти) спектакляса Катянь роленц инкса.
2019 кизоня казьф «За личный вклад в развитие Республики Мордовия» Мордовия Республикань Оцюнянь Почётнай знакса.
2020 кизоня казьф «За межнациональное согласие» медальса; «Волжская сказка» (Чебосары ошсь) национальнай ТЮЗонь и од ломанень театрань V международнай фестивальса казьф жюринь специальнай дипломса В.Мишанинань «Куйгорож» спектакляса Сюмерьге рольть инкса.
2022 кизоня теенза максф «Мордовия Республикань Заслуженнай артист» почётнай лем.
2023 кизоня «Менелень нюрям» спектакляса Киявань рольть инкса «Авань инь цебярь роль» номинацияса теенза максф «Лауреат премии Главы Республики Мордовия в области театрального искусства» лем.