Якстерь паруст
Алексей Истомин
Ольга Фарафанова
Никита Сапронов
Евгения Лыкова
«Максан вал – тя аф шары фкявок ёфкс лангс!», - корхтай Бродягась, максомок Ассольти венчкять, конань тиезе аляц…
Тя пяк мялень салай и эсь лацонь история. Сонь перьфканза шарыхть комболкст и вармат, кой-мзярда синь эвондакшнихть апак учт, полафнесазь событиятнень, картинатнень… Геройхне шава вастста тиендихть мирхт, азондыхть афкуксонь и арьсеф эряфть колга. Кельгомать и кемомать колга кажнайти содаф историясь, Александр Гринонь «Алые паруса» романтикань повестец, минь театрасонк няфтеви лиякс, кайги одкс и эсь лацоннекс. Ассольсь – стир, кона пефтома учи цебярь, мушенды вийхть эрямс стака, кяжи мирса. Грейсь – тя аф ёфксста принц, а цёра, конась ваймоц аф мушендсы сетьмоши, тяряфни пачфтемс тядянцты-алянцты эряфса вастонц.
Спектаклять вии комболдомац тонафттядязь кемамс эсь виентенди, сргозьфтьсыне мялентень-арьсемантень.
А тон анокат тяряфтомс и полафтомс эряфцень, тиемс сянь, мезе афкукс ёрат?...
Премьерась ульсь 8 октябрсьта 2022 кизоня.
