Исайчева Екатерина

Шачсь 24 сентябрьста 1982 кизоня. 2004 кизоня Н.П.Огарёвонь лемса Мордовскяй государственнай университетть (национальнай культурань факультетсь, «Актёрское искусство» специальностсь) шумордамда меле сась работама Мокшень-эрзянь национальнай драмань театрав актёркс. Налхксь 30 маласа васенце и омбоце планонь рольхть.

В.Мишанинать «Толмар» пьесанц коряс спектакляса цебярь дебютонкса арась Мордовия Республикань Оцюнянь премиянь лауреатокс (2008к.). Сяськсь «От марта до марта» театральнай конкурсса «Актёрская удача молодой актрисы» номинацияса (2009к.). Идень и од ломанень театральнай искусствань Е.А.Евстигнеевонь лемса фестивальть эса Э.Портерэнь «Уроки радости» романонц коряс спектакляса сявозе «Авань сембода цебярь роль» номинациять (2009к.) и Е.Фридманонь пьесанц коряс «Каштанка» спектакляса «Лучшее воплощение литературного героя на сцене» номинацияса (2011к.) арась II и III степенень лауреатокс (Саров ошсь).

2011 кизоня Мордовия Республикань Оцюнять мярьгоманц мархта казьф «Лучший по профессии» дипломса. 2012 кизоня поступась С.А.Герасимовонь лемса ВГИК-ти сценарно-киноведческяй факультетти, драматургиянь отделенияти, А.Я.Ининонь мастерскоезонза.

2014 кизоня сценариянь пялькстомаса, кона ётафневсь ВГИКнь Международнай XXXIV фестивальть видеса, «Сценарий короткометражного игрового фильма» номинацияса казьф III вастонь дипломса «В гостях у бабушки» сценарийть инкса.

2015 кизоня режиссёрть И.Ф.Кузьминть мархта сёрмадсь пьеса, кона лемтьф Сяськомать 70 кизонцты – «Не забывай незабываемое».

2016 кизоня шумордазе ВГИКть. Экзаменационнай комиссиясь лувозе сонь дипломнай работанц инь цебярькс курсса.

2017 кизоня Екатерина Исайчева казьф «От марта до марта» Мордовия Республикань СТДнь театральнай пялькстомань дипломса кода од драматург «Восточная сказка» пьесать-ёфксть инкса. Казьф «Поют актёры драматических театров» «Товарищ память» Республикань II фестивалень-пялькстамонь III степенень лауреатонь дипломса (2017).

2019 кизоня теенза максф «Мордовия Республикань Заслуженнай артист» почётнай лем.

РЕПЕРТУАРОНЬ ЛОПАСЬ