Ретро

Чмутин мастярлай ломанць эряфоньберьф мезе-бди тийсь: ульсь латонь вельхтикс, тонафтсь эсь тевонзонды оттнень, кельгозе эсь семьянц, ульсь, теенза-арам, павазукс. Аньцек пингсь лии тяфтама вишкста! И вов сон пенсияса, авац кулось… Сирелгодозь повсь эряма оцю ошу стиренц и овонц шири. Тошнась опаптозе сонь оцю квартирать эса. Мярьгат, мала ломанензовок вакссонза…аньцек лямбе и шарьхкодема ширдест аф маряй.

Тяниень пингонь од ломаттне тяфта пезсть ярмак мельге ласькомати, шаба колгавок теест аш мзярда арьсемс. Ёжу овось музе, кода тевть лац-ряц ладямс: рьвяяфтомс атять эряма васта мархта сире аваня лангс. Тердсь ванома мянь колма «рьвянят», и эрти эсь колганза азондоманди макссь пинге. Аньцек тевсь тусь лия киге: сембе рьвянятне састь фкя пингста. И мезе ушедсь!..

Александр Галинонь «Ретроц» – пеетьфти и седис токай комедия, пачфти теенк сире ломаттнень колга, конат, кода и лия кизостотне, ёрайхть эрямс, кельгомс, нолдамс эряфс арьсеф тевснон.

Премьерась ульсь 4 февральста 2017 кизоня.