Весеньева Тамара
Шачсь 14 сентябрьста 1951 кизоня. 1969 кизоня шумордазе МАСССР-нь государственнай музыкально-драматическяй театрать видеса театральнай студиять.
Сон – финно-угрань театрань международнай фестивалень лауреат (1994 к. Финляндиса и 1999 к. Йошкар-Ола ошса); «Федерация-92» театральнай марнек Россиянь фестивалень лауреат (Чебоксары ошсь, 1992 к.); «Театральный Саранск» фестивальса «Авань сембода цебярь роль» номинацияса лауреат (В.Мишанинать «Если во дворе воет собака» спектакляса – Нюрань ролец).
1992 кизоня теенза максф «Мордовия Республикань заслуженнай артист» Почётнай лем; Х.Вуолийоки «Юстина» пьесанц коряс спектакляса Сенаторшань рольть инкса арась Мордовия Республикань Оцюнянь театральнай искусстваса премиянь лауреатокс (2010 к.).
Варчсесыне виензон режиссураса, путсь кафта спектаклят А.Терёшкинонь «Сороковины» пьесанц коряс и Л.Толстоень «Власть тьмы» пьесанц коряс.
Налхксь сядода лама рольда. Казьф Российскяй Федерациянь Культурань, массовай коммуникациянь министерствать и культурань работниконь Российскяй профсоюзонь Почётнай грамотаса.
2017 кизоня теенза максф «Мордовия Республикань народнай артист» Почётнай лем.