Ромео и Джульетта
Алексей Истомин
Максим Пахомов
Елисей Шепелёв
Никита Сапронов
«Ромео и Джульетта» - тя аф аньцек мазы кельгомать колга пичефти азондома. Тефне эсонза молихть аф XVI векста, кода тейнек тонадовсь, а тяни или, щять, мянь сай пингста. Тя азондомась – сембе пингс. Эсонза аш пингонь перяфкст. Монтеккинь и Капулеттинь семьятнень, спектакляса мафиянь клаттнень ёткса, аф ладямась таргавсь пяк куватьс, синь юкстазь ни сялондомань туфталтьке, аньцек поладсазь пялькстамс, и Верона ошть-масторть эряфоц моли сединь марямафтома тюремань шири. Стакащемда лиси оцю ризф.
Режессёрсь марнек спектаклять молеманц кирдьсы миноронь и мажоронь ёткса, мзярда сельмоведьста рахсемати – фкя аськолкс. И ваныть ёжемаряманзовок тёждяста полафневихть. Спектаклянь геройхне эряйхть тячиень шиса, аф арсихть сай пингть колга, синь эсост вятихть ёжемарямань нюрьхкя кфчадематне. Ёттне и арьсематне эсост вийфтомот седиса крьвязи кельгомать и аф кельгомать карша. Актёрхне аф налхкихть, синь эсь геройснон мархта марса марясазь тонатнень сярятьфснон, кельгомаснон и юмафксснон – тяфта, кода Италиянь содаф ся ломаттне.
Премьерась ульсь 26 октябрьста 2019 кизоня.
