Анисимов Андрей

Шачсь 16 ноябрьста 1982 кизоня. 2004 кизоня Н.П.Огарёвонь лемса Мордовскяй государственнай университетть (национальнай культурань факультетсь, «Актёрское искусство» специальностсь) шумордамда меле сась работама Мокшень-эрзянь мордовскяй национальнай драмань театрав актёркс. Меле служась армияса. Васенце оцю работац – народнай эпость коряс «Тюштя» спектакляса Буртас сире атясь и В.Шукшинонь азксонзон коряс «Латось сыргась» спектакляса Жеребцов.

2008 кизоня В.Мишанинань «Толмар» спектакляса алянь рольть сембода лац налхкоманц инкса арась Мордовия Республикань Оцюнянь театрань искусстваса премиянь лауреатокс. Налхксь А.Федорченко режиссёрть «Небесные жёны мари» фильманц эса. Ламоксть ульсь Финно-угрань народонь театрань международнай фестивальса. Налхкси театраса главнай рольхть, варчсесы виенц режиссёронь тевса. Путозе А.Пудинонь «Козни Ведявы», В.Илюховонь «Как Баба Яга дочек замуж выдавала» ёфкснень.

2015 кизоня Г.Самаркинать мархта марса путозе А.Абрамовонь «Эрьванть эсензэ ормазо» комедиять лангс спектаклять. 2017 кизоня – Е.Исайчевань сценариенц лангс «На посту истории» спектаклять.

2017 кизоня казьф Мордовия Республикань Культурань и национальнай политикань Почётнай грамотаса.

2019 кизоня Мордовия Республикань театрань искусствать касфтоманцты оцю путфксонц и «Штатол» Национальнай театрань марнек Россиянь II фестивальть ётафтомаса лезксонц инкса казьф Мордовия Республикань Культурань, национальнай политикань и архивнай тевонь министрть Благодарностьса, Мордовия Республикань Государственнай собраниянь Почётнай грамотаса.

2020 шумордась Москунь РДПО институт («Режиссура драматического театра» специальностть коряс), путозе В.Гуркинонь пьесанц коряс «Саня, Ваня, мартост Римас» спектаклять.

2021 кизоня путозе Леонард Гершень пьесанц коряс «Эти свободные бабочки», 2022 кизоня – Дана Сидеросонь «Черный апельсин» пьесанц коряс спектаклятнень.

2023 кизоня теенза максф «Мордовия Республикань заслуженнай артист» Почётнай лемсь.

РЕПЕРТУАРОНЬ ЛОПАСЬ