Адста ворьгодема

Спектакляв сувасть гвардиянь старшай лейтенанть, лётчикть-истребительть, Советскяй Союзонь Геройть – Михаил Петрович   Девятаевонь эряфста инь мяляфтови пакшне. Сембода седиень ацергофты эпизодсь сонь биографиясонза – тя фашистонь концлагерьста ворьгодемась «Хейнкель-111» немцень бомбардировщикса. Аньцек тянь лангса Михаил Петровичень маятаманза ашесть аделав. Оцю сталмот прасть лангозонза войнать аделамда меленьге. Но нльне эста, мзярда «сёлгозь» тейнза менельть, мзярда ломаттне мархтонза васедемста кадондозь киснон «Пленцоль…Предатель…», мзярда козонга ашезь сявонде покодема… сонь пацянза ашесть керов! Ваймонь пацянза сонь кепсезь вярьдонга вяри, идень мяльхнень-арьсематнень эзда фашистонь адста ворьгодемати, и сяльде Пефтома пети тумозонза… Кельгозе эряфть, ашезь ляпияфтов кяжти, иляткшнесь фалу Ломанькс.

Корхнихть тяфта: «Казнесь музе эсь героенц». Михаил Петрович Девятаевонь казнесь вешендезе пяк ламос, кемгафтува киза. Аньцек Пингсь семботь няфнесы и семботь путнесы вастованза.

Премьерась ульсь 26, 27 октябрьста 2023 кизоня.