Ловонь оцязорава
Мзярс моли – 1 ч. 30 мин., антрактфтома
Дмитрий Крюков
Екатерина Крюкова
Юлия Михайлова
Николай Михайлов
Виктор Мазуренко
Вень ёткть, мзярда сембе удыхть, сон лиенди ошень ульцятнень эзга и ванонды вальмава, и снярда вальмятне пяшкодихть эень сёрмаса и панчфса…
Кодамовок ёфксса аш сяда кельме, мазы и вии ава Ловонь оцязоравада башка. Ламось кядьсонза: тялоть пефтома козяшиц, ломань ваймотне, конатнень мархта сон оцю мяльса налхкси кода няка мархта, арьси, тя пяшкодьсы эряфсонза сянь, мезть теенза аш кода шарьхкодемс…
А аф шарьхкодевихть эень седити лямбось, паронь арьсемась и кельгомась!
Самай ня вийхне лездыхть ёфксонь азондыти и пара вайме стирняти Гердати араламс Кайть, конась цють изь ара Ловонь оцязоравати нинге фкя някакс-марионеткакс, цють ашезе макса прянц оцязоравать сельмонь шарфтоманзонды!
Тя историясь, Евгений Шварцонь тяфтама жа лем ала пьесанц-ёфксонц коряс од спектакльсь, вятьсыне оцю и ёмла ваныхнень мялень салай масторс. Масторс, кона явф кафтова: фкясь – сетьме и лямбе, эжтьф Кайть и Гердать ялгаксшиса; а омбоцесь – кельме, но оцю, Ловонь оцязоравать и сонь кядь алонза ащи няканзон… Тя сембось саласы мялентнеь и аськолксонь-аськолксонь вяттядязь мазы ёфксс!
Премьерась ульсь 21, 22 декабрьста 2023 кизоня.