Ловонь инязорава

Веньберть, зярдо весе удыть, сон ютакшны ошонь куротнева ды ванкшны вальмава, сестэ вальмань суликатне вельтявить эень тешкссэ ды цецясо…

Ёвксонь масторсо арась сонзэ кондямо кельме, мазый ды виев азорава, кодамо Ловонь инязоравась. Сонзэ кедьсэ весемесь: телень сюпавчитне, ломантнень ойметнеяк, конатнень марто кецнезь налкси теке някатнень марто.

Эень седеесь а соды лембе, чевтечи ды вечкема!

Самай неть ине вийтне лездыть ёвксонь ёвтницянтень ды пародояк паро тейтернентень Герданень идемс Каень. Кай понгсь Ловонь инязоравань полонс ды цют эзь тееве някакс-марионеткакс.

Те историясь – Евгений Шварцонь пьесанзо-ёвксонзо коряс од спектакля. Сон кази вишка ды покш ваныцятненень аёвтавикс ёжомарямо. Ёжомарямо, кона явозь кавто пельксэв: вейкесь – мельстуиця ды лембе, кона эждязь Каень ды Гердань ялгаксчисэ, пештязь вечкевикс бабаст мелявтомасо ды Ёвксонь ёвтницянть дивань историясо; омбоцесь – кельме, покш ды виев, Ловонь инязораванть ды сонзэ марионеткатнень-кунсолыцятнень мастор… Спектаклясь чопавти ваныцянть лия ёнов а молиця ёвксос!