Михайлов Павел Евгеньевич

Михайлов Павел Евгеньевич

Чачсь 1985 иень умарьковонь 3 чистэ. Прядызе Н. П. Огарёв лемсэ Мордовиянь государственной университетэнь национальной культурань факультетэнть (специальностесь «Актёрское мастерство»). 2010 иестэ саезель важодеме Мокшонь-эрзянь государственной национальной драмань театрав. Налкси ламо спектаклясо. Сёрмады ды моры морот.

2014 иестэ кармась Мордовия Республикань Прявтонь театрань искусствань премиянь лауреатокс – Ксения Петровань «Ташто койсэ» пьесанзо коряс спектаклясонть омбоце планонь сех вадря роленть кис (Спиря).

«Не забывай незабываемое» спектаклясонть роленть музыкасо вадрясто панжоманть кис казезь Мордовия Республикань СТД-нь Почётной грамотасо.

2017 иестэ казезь МР-нь Культурань ды раськень политикань министерствань Почётной грамотасо ды «Поют актёры драматических театров» «Товарищ память» республикань II фестивалень-конкурсонь II степенень лауреатонь дипломсо.

2019 иестэ «Азор» эрзянь кельсэ полнометражной художественной фильманть анокстамосо покш путовксонзо кис кармась Мордовия Республикань Прявтонь премиянь лауреатокс. Теке иестэнть Мордовия Республикань театрань искусствантень покш путовксонзо кис ды «Штатол» Раськень театрань весероссиянь II фестиваленть анокстамосо ды ютавтомасо лезксэнзэ кис тензэ максозь Культурань министрань Благодарность; казезь Мордовия Республикань Прявтонь Благодарностьсэ.

2022 иестэ «Майатул» Финнэнь-угрань раськень театратнень раськеютконь XIV фестивальсэ «Эрьзя. Валдос ливтиця» спектаклясонть Эрьзянь роленть марто изнясь «Цёраломанень сехте вадря роль» номинациясонть.


Русский 
Мокшанский 
Эрзянский