Кипайкин Андрей

Чачсь 1976 иень ожоковонь 26 чистэ. 1999 иестэ прядызе Н. П. Огарёв лемсэ Мордовиянь государственной университетэнь национальной культурань факультетэнть («Актёрское мастерство» специальностень коряс) ды саезель важодеме Мокшонь-эрзянь государственной национальной драмань театрав.

Ульнесь Финнэнь-угрань раськень театратнень раськеютконь ламо фестивальтнесэ. Налксесь кементь рольть.

Мордовия Республикань Прявтонь театрань искусствань премиянь лауреат: 2002 иестэ В. Мишанинань «Тят шава, тят сала» («Иля чаво, иля сала») спектаклясо вадря дебютонть кис, 2009 иестэ А. Островскиень «Иля ойсе ломань нурдс» спектаклясонть Степанонь роленть кис.

2002 иестэ казезь Мордовия Республикань Культурань ды раськень культурань министерствань Почётной грамотасо.

2018 иестэ казезь Мордовия Республикань Правительствань Почётной грамотасо.

2019 иестэ тензэ максозь «Мордовия Республикань заслуженной артист» Почётной лемесь.