Анисимов Андрей Иванович

Анисимов Андрей Иванович

Чачсь 1982 иень сундерьковонь 16 чистэ. 2004 иестэ Н. П. Огарёв лемсэ Мордовиянь государственной университетэнь (национальной культурань факультет, специальностесь «Актёрское искусство») прядомадо мейле сась важодеме Мокшонь-эрзянь государственной национальной драмань театрав артёрокс. Мейле служась армиясо. Васенце покш важодевксэнзэ – раськень эпосонть коряс «Тюштя» спектаклясо Буртас озатясь ды В. Шукшинэнь ёвтнеманзо коряс «Латось сыргась» спектаклясонть Жеребцов.

2008 иестэ В. Мишанинань «Толмар» спектаклясо цёрань роленть сех вадрясто налксеманть кис кармась Мордовия Республикань Прявтонь театрань искусствасо премиянь лауреатокс. Налксесь А. Федорченко режиссёронть «Небесные жёны мари» фильмасонть. Ламоксть ульнесь Финнэнь-угрань раськень театратнень раськеютконь фестивальтнесэ. Налкси театрасо прявт рольть, варчнизе виензэ режиссёронь тевсэнть. Путынзе А. Пудинэнь «Козни Ведьавы», В. Илюховонь «Как Баба Яга дочек замуж выдавала» ёвкстнэнь.

2015 иестэ Г. Самаркина марто вейсэ путызе А. Абрамовонь «Эрьванть эсензэ ормазо» комедиянть лангс спектаклянть. 2017 иестэ – Е. Исайчевань сценариенть лангс «На посту истории» спектаклянть.

2017 иестэ казезь Мордовия Республикань Культурань ды раськень политикань Почётной грамотасо.

2019 иестэ Мордовия Республикань театрань искусствань кастомантень покш путовксонзо ды «Штатол» Раськень театратнень весероссиянь II фестиваленть ютавтомасо лезксэнзэ кис казезь Мордовия Республикань Культурань, раськень политикань ды архивень тевень министранть пельде Благодарностьсэ, Мордовия Республикань Государственной собраниянь Почётной грамотасо.

2020 истэ прядсь Московонь РДПО институт («Режиссура драматического театра» специальностень коряс), путызе В. Гуркинэнь пьесанзо коряс «Саня, Ваня, мартост Римас» спектаклянть.

2021 иестэ путызе Леонард Гершень пьесанзо коряс «Эти свободные бабочки», 2022 иестэ – Дана Сидеросонь «Черный апельсин» пьесанть коряс спектаклятнень.


Русский 
Мокшанский 
Эрзянский