Вера Балаева: «Эрьва роленть нолдан седеень пачк»
«Вера, касат ды кармат артисткакс!» – истя кортыльть велень ломантне вишка тейтернентень, кона апак лотксе эрьва косо морсесь. Васенце сценакс ульнесь велень лавкась, ков сон чийниль малав эрьва чистэ. Лавкась аштесь кудост эйстэ маласо, секскак обед шкане тосо ютыльть концерткеть. Микшницясь Гена лелясь каванясь вишка артистканть конфеткадо, лия ваныцятне-рамсицятне мельспаросо цяпасть. Морсесь эрьва кодат морот, сехте пек ломантне вечксть кунсоломо военной моротнень. Покшсто касозь, Вера алкукскак кармась артисткакс. Кортамось моли Вера Балаевадо, кона уш 46 иеть важоди театрасо. Эйстэст 33 иеть – Эрзянь ды мокшонь национальной драмтеатрасо. Течи Вера Николаевна – минек инженек.
Людмила Степановна ды Николай Иванович Суродейкинтнэнь семиясо чачсть-кассть колмо тейтерть: Валентина, Нина ды Вера. Сынь эрясть Покш Игнатбуень Ташто Селища велесэ. Семиясост морамонть вечксть весе, аваст ульнесь пек мазый вайгелезэ. Кудосост эрьва кенярксчистэ гайгсть морот. Вера ледстни, кода Троицянень велень ломантне якильть покш чинть тешкстамо вирень кужос.
Ташто Селищасо Вера прядызе 8-це классонть, мейле весе класснэк яксесть ялго Покш Игнатовав, тосо прядынзе 9-10-це класстнэнь, тонавтнесь парсте, изнякшнось эрьва кодамо олимпиадасо. Седе тов, тетянзо-аванзо мелест коряс, мольсь тонавтнеме Саранскоень медицинской училищав. Сеске чарькодсь – те аволь сонзэ тевесь. Саинзе документэнзэ ды мольсь музыкальной училищав. Приемось уш прядовсь, ансяк сонзэ кунсолызе содавикс тонавтыцясь Р.М. Беспалова. Вера морызе «Вниз по Волге-реке» моронть, бажась невтемс морамонь весе виензэ. «Апак кавтолдо эряви саемс!» – яволявтсь педагогось. Истя Вера кармась тонавтнеме Саранскоень музыкальной училищасо.
– Тонавтсь монь Раиса Макаровна Беспалова. Сон – Мордовиянь васенце народной артистка, лемдсть эйсэнзэ Мордовиянь цековокс. Чевте седей ломань, сэтьме обуця, пек паро тонавтыцяль. Яла кортыль тень: «Вера, зярдояк иля емавто визьксчить». Ламо мезес тонавтсь монь те превей ды паро авась, те шкас лембестэ сонзэ ледстнян ды евтан сюкпря, – корты Вера Николаевна.
Музыкальной училищасо сон тонавтнесь 1975–1979 иетнестэ. Сонзэ прядомадо мейле направлениянь коряс кучизь важодеме И.М. Яушев лемсэ Музыкальной театрань хорс. Мезе парось, училищасо тонавтнемстэ, сыненст ветясть «сценической движениянь» ды «актерской мастерствань» предметтнэнь. Секскак режиссертнэ кармасть тердтнемензэ морамо операв, опереттав ды налксеме музыкальной комедиясо. Сэрей, мазый, раужо кувака черь марто од тейтересь марясь прянзо эсензэ таркасо.
– Сцена удало, нама, ули талнома. Ансяк зярдо лисят сцена лангс – весемесь еми, весемеденть стувтат, арсят ансяк рольденть. Мезе илязо тееве, кодат пря потсот ды оймесэть ризкст авольть уле, эряви пурнамс вийтнень ды теемс теветь сцена лангсо. Те принципенть коряс важодян нейгак, – евтни Вера Николаевна.
Музыкальной театрасо важодемстэ ламо превс путомат тензэ макссь Е.С. Бажанова актрисась. Иень коряс сон савтовсь тензэ авакс, теевсть жо паро ялгакс. Тесэ сон налксесь Н.Римскиень-Корсаковонь «Царская невеста», Ф.Легаронь «Цыганская любовь» ды лия спектаклятнесэ.
– 90-це иетнестэ «Масторава» эрзянь-мокшонь раськень вейсэндявксонь промкссо теевинь содавиксэкс Нацтеатрань сестэнь прявтонть А.И. Пудин марто. Сон евтаськак, кода пек эрявить национальной кадрат, вешнесь ломанть. Пек энялдсь самс. Сон муинзе актертнэнь Виктор Гудожниковонь, Николай Храмовонь, Мария Плотниковань, Тамара Весеньевань, мейле юткозост сынь монгак. Истя понгинь важодеме Национальной театрав, сестэ театранок ульнесь Эрзянь ды мокшонь раськень культурань музеень зданиясо, сонзэ подвалсо. А.И. Пудин марто путнинек ансяк эрзянь ды мокшонь кельсэ спектаклят. Те: К.Абрамовонь «Эрьванть эсензэ ормазо», «Кавалонь пизэ», В.Малягинэнь «Пьяна лей лангсо», К.Петровань «Ташто койсэ», Ж.Мольерэнь «Шумбрат, Сганарель», Г.Меркушкинэнь «Сенем валда», В.Шукшинэнь «Латось сыргась» ды ламо-ламо лият.
Покш мельспаросо лиснинек сцена лангс. А зяро сакшныльть ваныцят! Кода сынь учость тиринь кельсэ путовкстнэнь! Мельсэнь ашти, кода ардтнинек районга-велева. Ташто автобуссо-пазиксэ, якшамодонть понань лембе кемсэ, шальсэ тапарязь. Велень клубтнеяк аволь весе уштовсть. Ломантне озыльть стул ды эзем лангс, стядояк аштильть, шапкасот-варьгасот. А минь сцена лангсо уш налксинек кайсезь, чова оршамопельсэ, истя, кода эряви. Киськенек сэньшкадыть якшамодонть. Сеть шкатнестэ кодамояк шоу-бизнес арасель. Ломантне паро мельсэ веленек сыльть ваномо, те ульнесь сынст туртов покш событиякс.
Залтнэ свал пешксельть. Туильть мартост велень казнеть: ловсо, алт, прякат. Мольсть 90-це иетне, шкатне пек стакальть, эрсесь, пельие эзть пандо зарплата. Минь натой районсто рамилинек кши, сал. Покш лезкс макссть тетянок-аванок, конат эрясть велесэ. Ошонь ломантненень жо пек стакаль цидярдомс. Мезе ускилинь велестэ, бажинь максомс лиятнененьгак, кой-кить пек пиштевтсть, – ледстни Вера Николаевна.
Вера Балаева зярыя иень перть ве шкане кенерсь важодеме кавто театрасо: музыкальнойсэ ды национальнойсэ. Мейле кадовсь эрзянь ды мокшонь театрасонть.
2007 иестэ покш кенярксокс кармась Эрзянь-мокшонь национальной театранть эсензэ зданиянь панжомась. Тесэ В.Н. Балаева налксесь Л.Толстоень «Власть тьмы», Х.Вуолийокинь «Юстина» путовкстнэсэ ды нейгак налкси А.Галинэнь «Ретро», К.Абрамовонь «Эрьванть эсензэ ормазо», «Пургаз», К.Петровань «Ташто койсэ», Н.Птушкинань «Рождественские грезы», Р.Томонь «Дом в глуши», А.Гринэнь «Алые паруса», А.Островскиень «Бесприданница» ды лия спектаклятнесэ.
– Монень пек вечкеви налксемс эрзянь ды мокшонь кельсэ путовкстнэсэ. Те – седеень витевкс. Эрьва ролентень моли покш анокстамо. Весементь нолдат седееть пачк. Те – апак удо веть, мелявтат налксеманть кисэ. Секскак весе рольтне монень вечкевить. Кадык косояк вишка ролесь, ялатеке эряви теемс тевенть парсте. Мелезэнь тукшны «Рождественские грезы» лирической комедиясь, сонзэ путызе Д.С. Крюков режиссерось. Мон тосо налксян Софья Ивановна сыре аванть. Налксетяно ниленек: Алексей Егранов, Наталья Русяйкина ды Татьяна Биушкина. Ломантне пейдитькак, сельведесткак лисить, – корты актрисась.
Весе неть иетнень перть Вера Балаева ламоксть ульнесь гастрольсэ, театрань раськеютконь фестивальсэ. Эрзянь ды мокшонь свадьбань коенть невтнесть Сызраньсэ, Московонь ВДНХ-со. Сон свал налксесь Масторавань, Родина-Авань, Лидия Руслановань рольтнень. Зярдояк а пельксты, ков кучсызь налксеме – тов моли. Сыктывкарсо театрань фестивальсэ улемстэ, «Бесприданница» спектаклясо налксеманзо жюрись паро валсо тешкстызе башка. Тосо сон налкси Ефросинья Потаповнань.
Меельце иетнестэ Нацтеатрась ламо ардтни гастрольга лия регионга. Ды теньсэ покш путовксозо театрань прявтонть С.И. Дорогайкинань. Театрав важодеме састь ламо од ломанть. Бути сынь пшкалить Вера Николаевнанень превс путома мельга, свал лезды.
Ламо иень перть театральной искусствасо парсте важодеманть кисэ Вера Балаева казезель «МР-нь культурань заслуженной важодиця» лемсэ, тешкстазель РФ-нь Культурань министерстванть пельде Почетной грамотасо.
Зярдо Вера Николаевна налкси сцена лангсо, сонзэ спектаклятнень ваномо свал сакшныть малавиксэнзэ – Людмила тейтерезэ ды Екатерина нуцьказо. Кадык сынь эзть туе аваст-бабаст киява, эзизь кочка эрямонь тевекс культуранть, ялатеке пек вечкить театрань искусстванть, а менстить вейкеяк премьера, сакшныть цецяпусмо марто. Спектаклянь ваномадо мейле евтасызь мелесткак, сынь – васенце критикензэ.
Аволь умок Вера Балаева тешкстызе чачома чинзэ. Весе седейстэ арсетяно кеме шумбрачи, уцяска, икелев молемань тевть, кенярксов ежо, паро рольть ды вадря ваныцят!
___________________________________________________
"Вера, вырастешь и будешь артисткой!" – так говорили односельчане маленькой девочке, которая везде пела беспрерывно. Первой сценой было крыльцо деревенского магазина, куда она маленькой бегала почти каждый день. Магазин был рядом с их домом, поэтому в обед там проходили небольшие концерты. Продавец дядя Гена угощал маленькую артистку конфетами, остальные зрители с радостью аплодировали. Пела она разные песни, но больше всего люди любили слушать военные песни. Повзрослев, Вера действительно стала артисткой. Речь идет о Вере Балаевой, которая уже 46 лет работает в театре. Из них 33 года – в Мордовском национальном драматическом театре. Сегодня Вера Николаевна – наш гость.
В семье Людмилы Степановны и Николая Ивановича Суродейкиных родились и выросли три дочери: Валентина, Нина и Вера. Они жили в селе Старые Селищи Большеигнатовского района. В семье пение любили все, у матери был очень красивый голос. В их доме каждый праздник звучали песни. Вера вспоминает, как на Троицу односельчане ходили отмечать праздник на лесную поляну.
В селе Старые Селищи Вера закончила 8-й класс, потом всем классом ходили пешком в Большое Игнатово, там она окончила 9-10 классы, училась хорошо, побеждала на различных олимпиадах. Затем, по наставлению родителей пошла учиться в Саранское медицинское училище. Сразу поняла - это не её призвание. Забрала документы и пошла в музыкальное училище. Прием уже закончился, но её послушала известный педагог Р. М. Беспалова. Вера спела песню "Вниз по Волгу-реке", старалась показать всю свою силу пения. "Без сомнений нужно взять!" - заявила педагог. Так Вера поступила в Саранское музыкальное училище.
– Учила меня Раиса Макаровна Беспалова. Она - первая народная артистка Мордовии, ее называли Мордовским соловеем. Добрый человек, скромная по характеру, была прекрасным учителем. Обычно говорила мне: "Вера, никогда не теряй своей стеснительности". Много чему научила меня эта умная и хорошая женщина, до сих пор тепло ее помню и благодарю, – говорит Вера Николаевна.
В музыкальном училище она училась в 1975-1979 годах. После его окончания по направлению отправили на работу в И.М. Н. Яушева в Музыкальный хор театра. Что примечательно, во время учебы в училище, им преподавали предметы «сценического движения» и «актерского мастерства». Поэтому режиссеры стали приглашать ее петь в оперы, оперетты и играть в музыкальных комедиях. Высокая, красивая, молодая девушка с длинными черными волосами чувствовала себя на своем месте.
– За сценой, конечно, есть волнение. Но когда выходишь на сцену – все пропадает, обо всем забываешь, думаешь только о роли. Что бы ни случилось, какие бы в голове и в душе переживания ни были, нужно собраться с силами и действовать на сцене. По этому принципу работаю и сейчас, – рассказывает Вера Николаевна.
Работая в музыкальном театре, много советов дала ей актриса Е.Н. Бажанова. По возрасту она приходилась ей матерью, а они стали хорошими друзьями. Здесь она играла в «Царская невеста» Н.Римского-Корсакова, "Цыганская любовь " Ф. Н.Легараи и других спектаклях.
– В 90-е годы на собрании Мордовского национального союза "Масторава" я познакомилась с А. И. Пудиным, на тот момент директором Нацтеатра. Он и рассказал, как остро нужны национальные кадры, искал людей. Настоятельно просил приехать. Он нашел актеров Виктора Гудожникова, Николая Храмова, Марию Плотникову, Тамару Весеньеву, потом к ним и меня. Так я попала работать в Национальный театр, тогда наш театр находился в здании музея Мордовской народной культуры, в его подвале. Мы вместе с А. И. Пудиным ставили спектакли только на мордовском языке. Это: "Эрьванть эсензэ ормазо", "Кавалонь пизэ" К. Абрамова, " Пьяна лей лангсо" В. Н.Малягина, " Ташто койсэ" К. Петровой, "Шумбрат, Сганарель" Ж.Мольера, "Сенем валда" Г.Меркушкина, "Латось сыргась" В. Н.Шукшина и многие-многие другие.
Мы с большим удовольствием выходили на сцену. А сколько приходило зрителей! Как они ждали постановок на родном языке! Помню, как мы ездили по районам и сёлам. В старом автобусе-пазике, закутавшись от холода в валенки, шаль. Сельские клубы не все
отапливались. Люди садились на стулья и лавки, и стоя смотрели, в шапках и рукавицах. А мы на сцене уже играли раздетые, в тонких костюмах, так, как надо. Наша кожа синела от холода. В те времена никакого шоу-бизнеса не было. Люди с удовольствием приходили всем селом посмотреть, это было для них большим событием.
Залы всегда были переполнены. Приносили с собой сельские подарки: молоко, яйца, пироги. Шли 90-е годы, времена были очень тяжелые, бывало, полгода не платили зарплату. Мы даже в районе покупали хлеб, соль. Большую помощь оказывали родители, которые жили в селе. Городским же было очень трудно выстоять. Что привозила из деревни, старалась передать и другим, некоторые очень нуждались,-вспоминает Вера Николаевна.
Вера Балаева за несколько лет успела поработать одновременно в двух театрах: музыкальном и национальном. Затем осталась в Мордовском театре.
В 2007 году большой радостью стало открытие собственного здания Мордовского национального театра. Здесь В. Н. Балаева играла в постановках "Власть тьмы" Л. Н.Толстого, "Юстина" Х. Вуолийоки и до сих пор играет в "Ретро"А. Галинэ, "Эрьванть эсензэ ормазо", "Пургаз" К.Абрамова, "Ташто койсэ" К. Петровой, "Рождественские грёзы" Н.Птушкиной, "Дом в глуши" Р. Тома, "Алые паруса" А. Грина, "Бесприданница" А. Островского и других спектаклях.
– Мне очень нравится играть в постановках на мордовском языке. Это - бальзам на душу. К каждой роли идет серьезная подготовка. Все пропускаешь через сердце. Это - бессонные ночи, переживаешь за игру. Поэтому все роли мне нравятся. Пусть где-то маленькая роль, но надо делать дело хорошо. Мне нравится лирическая комедия "Рождественские грезы", которую постаивл режиссер Д. С. Крюков. Я там играю пожилую женщину Софью Ивановну. Играем вчетвером: Алексей Егранов, Наталья Русяйкина и Татьяна Биушкина. Люди и смеются, и плачут, – говорит актриса.
Все эти годы Вера Балаева многократно участвовала в гастролях, международных театральных фестивалях. Мордовский свадебный обряд показывали в Сызрани, на ВДНХ в Москве. Она постоянно играла роли Масторавы, Родины-матери, Лидии Руслановой. Никогда не спорит, куда пошлют играть – туда идет. Во время участия в театральном фестивале в Сыктывкаре, ее выступление в спектакле «Бесприданница» было отмечено жюри особо положительными отзывами. Там она играет Ефросинью Потаповну.
В последние годы Нацтеатр много гастролирует по другим регионам. И в этом большая заслуга директора театра С. И. Дорогайкиной. На работу в театр пришло много молодежи. Если они обращаются к Вере Николаевне за советом, то она всегда помогает.
За многолетнюю плодотворную работу в области театрального искусства Вера Балаева была удостоена звания «Заслуженный работник культуры РМ», отмечена Почетной грамотой Министерства культуры РФ.
Когда Вера Николаевна играет на сцене, на ее спектакли всегда приходят родственники – дочь Людмила и внучка Екатерина. Пусть они не пошли по стопам мамы и бабушки, не избрали делом жизни культуру, но все равно очень любят театральное искусство, не пропускают ни одной премьеры, приходят с букетом цветов. Посмотрев спектакль, скажут свои мысли, они – её первые критики.
Недавно Вера Балаева отметила свой день рождения. От всей души желаем крепкого здоровья, счастья, прогресса, веселого настроения, хороших ролей и хороших зрителей!
Источник: Газета «Эрзянь Правда»
