Билетонь мишендемась

Тяса сёрматфсь панчсы «Мокшень-эрзянь государственнай национальнай драмань театрась» культурань государственнай бюджетнай учреждениять мероприятияс билетонь мишендемать коряс инь эрявикс пялькснень.

Театрав самда инголе эняльттяма ваномс «Мокшень-эрзянь государственнай национальнай драмань театрась» культурань государственнай бюджетнай учреждениять билетонь мишендемань и мрдафтомань колга Положениянц» и «Мокшень-эрзянь государственнай национальнай драмань театрась» культурань государственнай бюджетнай учреждениять спектакляс и сембе мероприятияс инжихнень и ваныхнень самань правиласнон». Кемокстаф документнень мусасть официальнай сайтса «Театрань докуметт» пяльксть эса, стане жа театрав самста кулянь уженять эзда.

Билетонь/электроннай билетонь рамамста ванысь аф ащи билетонь мишендемань и театрав самань кемокстаф правилатненди каршек.

Театрань билетонь кассаса билеттне мишендевихть типографияса нолдаф бланка лангса. Театрань официальнай сайтса ули электроннай билетонь мишендема, сон тиеви театрань билетонь функционалть автоматизированнай и специализированнай системанц коряс.

Типографияса нолдаф билетсь аф ламолгафтови. Электроннай билеттне театрань кассаса кагод лангс аф нолдавихть.

Билетсь/электроннай билетсь рамави фкя ломаненди, кизонзон лангс апак ватт.

Театрань мероприятиятне тяшкставихть информациянь продукциянь тяшксса. 29.12.2010 N436-ФЗ «О защите детей от информации, причиняющей вред их здоровью и развитию» Федеральнай законть коряс билетонь рамамста шарфтома мяль сянди, кодама кизоста мярьгови ваномс спектаклять (няфтьф афишаса и билетть/электроннай билетть эса). Тя вешемать коламанкса марнек ответственностть сявсазь эсь лангозост тядятне-алятне.

Залу ваныхне нолдавихть билеттнень/электроннай билеттнень коряс. Билетть/электроннай билетть рамаенц и ётайть кядьста театрати мярьгови эсь мяленц коряс ваномс ломаттнень документснон. Кда панжеви билетть тевс нолдаманц коряс кемокстаф привилатнень коламасна, театрань администрацияти мярьгови аф нолдамс ваныть, эста билетонь питнесь аф мрдафтови.

Петьф, мезьса-бди петфнеф, оцю колафкс мархта билеттне, конатнень эса сёрматфсь аф няеви, лувовихть аф кондястикс, театрась коряваст кодамовок тефт аф ваны.

Билетть/электроннай билетть ломань кядьста рамамста афкуксшинц колга сембе кизефксне максовихть эстеенза рамайти. Аф акуксонь билетть рамамста правилань коламать панжемста театрань администрациясь сонць ваны, нолдамс-аф рамаенц ванома.

Ваныть пингта меле театрав самстонза или театрань мярьгоматнень коламста билетонь/электроннай билетонь питнесь аф мрдафтови.