«Театрать аф няеви эряфоц. Парста сашендода, или Лиятненди кись сёлкф!»… Оцю паваз няемс эсь сельмосот, кода покоди ошень сембода лямбе, валда театрась.
Театрань оцю кудть пачк часоньберьф якамста няйсасть аф аньцек ваномань залть, тяда башка, озатада сембода «оцю» инжихненди лемтьф вастти, листяда сцена лангс, варжасасть ёмла сценать, карматада лама содама театрать эряма кинц колга, пара мяльса ванцасть «Мокшэрзянь эряфонь шуфта» ванфонь салай люстрать, суватада залс и озатада самай ся шрать ваксс, коса 21 июньцта 2007 кизоня ащесть колма масторонь Оцюнятне: Россиянь Президентсь Владимир Путин, Финляндиянь Президентсь Терья Халлонен, Венгриянь Премьер-министрась Ференц Дьюрчань.
СОДАФТЫ ЭКСКУРСИЯ
Театрать мархта содафты экскурсиять пингста теенть панчсазь аф няевикс салавашитнень:
- кода арафневихть пяк оцю декорациятне;
- кода покодихть стамань, щамонь кочкамань и лия цехне;
- мезьса сценань щапне аердыхть эрь шинь лама тюсонь щапнень эзда;
- мезьса нолдави театрань «машинась»
Фкя тяфтама эскурсиясь арьсеф 25-30 иденди и мельгаст ваны оцюфненди.
Моли: 40—45 минутат (ащи сянь эзда, мзяра кизоса шабат вятихть).
Питнец: 150-200 цалковайхть (ащи сянь эзда, мзяра ломань вятеви).
ТЕАТРАТЬ АФ НЯЕВИ ПЯЛЬКСОНЦ ПАЧК ЭКУСКУРСИЯ НАЛХКИХНЕНЬ ЭЗДА МАСТЕР-КЛАСС МАРХТА
Экскурсиясь – тя аф аньцек од содамашит. Тяда башка, тя – театрань содавикс налхкихнень мархта васедемат, корхтамат, конатнень меле лядыхть кеняртьфти лятфнемат, од содамашит.
Экскурсиясь ётафтови аф оцю полгонди, 20 ломаньда аф сяда лама.
Моли: 60 минутат.
Питнец: 250-300 цалковай (питнесь ащи кочкаф мастер-классть эзда).
СПЕКТАКЛЯНЬ ВАНОМА МАРХТА ЭКСКУРСИЯ
Спектаклянь ванома мархта экскурсиясь – тя мокшетнень и эрзятнень кунардонь эряфозост повома, койхнень-обуцятнень няфтемасна.
Экскурсиясь ётафтови полгонь-полгонь (60 ломаньда аф сяда лама).
Моли: 60 минутат.
Питнец: 350-400 цалковайхть (ащи сянь эзда, мзяра ломань юромть эса).
Театрань вузонь студентненди театрать мархта содафтомань экскурсиятне ингольдень пшкядемань-сёрмань коряс ётафтовихть питнефтома.
Кда мяленте, экскурсияв ули кода самс кодамовок спектакля мархта сотф пингста. Кода тя ули? Инжихне васендакиге ванцазь спектаклять, меле срхкайхть театрань эряфть ванома. Синь няйсазь эрь пялькскять, кармайхть содама, коса и кода ванфтовихть декорациятне, лисихть сцена лангс. Содасть: кда тя пингть залса моли илядень спектакляти валдонь максомать коряс покодема, сцена лангс лисемста аф фалу максови эрявикс валдсь.
Экскурсиятнень пингста мярьгондеви тиендемс фотот и видеот.
Экскурсиянь ётафтомать колга инголе гайфтема тя телефонть пачк: 8(8342) 38-07-04; 8 (8342)47-25-33.
