Тячи Мокшень-эрзянь государственнай национальнай драмань театрась Мордовияса фкя тяфтама театра, конань репертуарсонза улихть сокорхненди аноклаф спектаклят. Сембе синь рузонь кяльса. Тифт «Искусство, наука, спорт» Благотворительнай фондть лезксонц вельде «Особый взгляд» кальдявста няи ломаттненди ледоманкса программать видеса.
Тифлокомментированиясь – тя мельга-мельцек азондома семботь колга, мезе моли, няфтеви сцена лангса. Вельденза сокорхне шарьхкодьсазь, мезе няфтеви спектакляса.
Спектакляда инголе явовихть наушникт. Эсост меле кармайхть максовома специалистонь тифлокомментарият, конатне сотфт сцена лангса тевонь тиемать мархта. Азондысь аф шоряй актёрхнень корхтамаснонды, семботь колга – щапнень, декорациятнень, геройхнень якамаснон – сон пачфти корхтамань ёткса пингста.
Сембоц театраса тяфтама спектакляда колма: «Не в свои сани не садись», «Супер-заяц», «Чудеса пренебрежения или Женщины – это дьяволы».
