Мокшень-эрзянь государственнай национальнай драмань театраса ули кода аф аньцек ваномс спектаклят. Кда мяленте, тинцьке пофтада «Традиции предков» интерактивнай спектакляти-экскурсияти. Тя спектаклясь пяк мялезост туристтненди, сяс мес арьсеф мокшэрзянь народонь фольклорть, легендатнень, койхнень-обуцятнень коряс. Инжихнень ашкордасыне национальнай кяльхнень кайгомасна, кона аф шоряй няфтьфть шарьхкодеманцты и лезды марямс мокшень и эрзянь кяльхнень мазышиснон, вайгялькснень таньфснон.
Мезе пингстонза няят, мзярс моли, мзяра билеттнень питнесна?
Интерактивнай спектакляти-экскурсияти сувай:
– театрать мархта содафтомань экскурсия. Теенть азондыхть «Мокшэрзянь эряфонь шуфта» люстраса няфтьф национальнай шкайхнень колга. Меле озатада самай ся шрать ваксс, коса 21 июньцта 2007 кизоня ащесть колма масторонь Оцюнятне: Россиянь Президентсь Владимир Путин, Финляндиянь Президентсь Терья Халлонен, Венгриянь Премьер-министрась Ференц Дьюрчань;
– интерактивнай пялькс. Экскурсияда меле инжихне ванцазь ингольдень эряфть. Синь повихть од рьвянянь мирденди максомань койть ётафтоманцты. Тя пялькссь шумордави Ванфтома койса.
Моли – 1 час.
Ётафтови 15 ломаньда сяда оцю полгонди.
Билетть питнец – 350 цалковай ломаньцта.
Кода пингта инголи рамамс билетт, пандома-аф?
Билеттнень коряс пшкядема пингта инголе, кочкасть эрявикс шить и пингть. Тя тиеви электроннай почтава (nacteatrrm@yandex.ru) или телефонга (8342)38-07-04. Пандомась ётафтови кода наличнай, тяфта безналичнай расчётса.
Кода пачкодемс?Сотксне.
