«Первая любовь»: Тургеневть историяц мрдави сценас!

Мордовиянь мокшень и эрзянь драмань театраса ушедсь «Первая любовь» Иван Тургеневть повестенц коряс спектакльть лангса покодемась. Инсценировкась – драматургть Анна Гейжанть.

Тя историясь театрати содаф. 2024-це кизонь апрельста Нациянь Театрать эзда Творческяй лабораториять видеса сценасонк путфоль постановкать эскизоц Михаил Заецть (Ростов-на-Дону) вятеманц ала. Ваныхнень цебярь валсна и материалть творческяй потенциалоц лездсть примамс решения марнек спектальть путоманц коряс. 

Ётась васенце лувомась – эрявикс пялькссь, мзярда налхкихне и режиссёрсь чёпафнихть текстти, ванондсазь геройхнень характерснон и арьсесазь одста кельгомать и касомать колга историять сценическяй эряфонц.
Лятфтасаськ, кода тя ульсь, шарфттама мяль кельгомати и «тургеневонь» ёжа марямати. 

«Первая любовь» спектаклень премьерась учеви театрань ёмла залса 23-це февральста. Маластонь пингть минь путсаськ марнек информациять постановочнай командать и билетонь мишендемать коряс. 

Ванода куляньконь мельге – марса ванцаськ, кода тя историясь эвондай сцена лангса!