«Эрь рольсь - монь эряфонь пакшкязе» - Елена Гудожникова
22 марта 2022
Мокшавась Елена Николаевна Гудожникова — Мокшэрзянь национальнай драматическяй театрань актриса. Работай театраса 1992 кизоста сявомок. Налхксь рольхть 30 малава спектакльса. Шачемас коре Зубово-Полянскяй райононь Сире Байдеку велеста. Школать шумордамдонза меле тонафнесь Н.П.Огарёвонь лемса госуниверситетонь филологическяй факультетса.
2020 кизоня казьф «За межнациональное согласие» медальса. «Волжская сказка» международнай фестивальса Чебоксары ошса казьф жюринь специальнай дипломса Сюмерьге роленкса «Куйгорож» спектакльса. 2019 кизоня казьф «Мордовия Республикать виияфтомаса путксонкса» Мордовиянь Оцюнять Почётнай знаконц мархта. 2018 кизоня «Майатул» финно-угрань народонь театрань фестивальса Елена Гудожникова сяськсь «Авань инь цебярь рольсь» номинацияса «Велень ризнэмат» спектакльть инкса. Театрань международнай шида инголе корреспондентоньке васетькшнесь Елена Николаевнать мархта и корхнесь эряфонц и профессиянц колга.
—Елена Николаевна, азонтк, пожалняста, кода ётась идькс пингце?
—Тядязе корхнесь, кле, кодак аньцек шачень, пяк кельгине морамазень. Минь сембе семьяньке морсесь. Сайхть инжикс радняньке, стяфтсамазь стул лангс, азондан стихотворения или моран мора. Тядязе ёрась, штоба семьясонк улель весяла, аф сялондомат-тюрендемат кулендевольхть, а морамат. Сяс рамсесть балалайка, гармошка, баян и гитара. Школасонга тонафнемста сидеста няендевонь сцена лангса. Мзярда тонафнень оцю класса, велесонк панчсть музыкальнай школа. Тядяне-аляне ёрасть кучемс фортепианонь классти, кле, сурне кувакат. А мон ашень согласинда, мярьгонь—баянца карман тонафнема. А кельгомась тя инструментти сась шабраньконь эзда, синь ульсь музыкальнай семьясна, сембе морсесть баянца. Стирнясновок, монь ялгазе, маштсь, сяс монга лангозост ванозь пяк ёрань тонадомс. Музыкальнай школаса руководителеньке путнесь мархтонк спектакльхть, няфнеме сценкат. Илатненди фалу аноклакшнеме концертт.
—Кода сотовсь эряфце театрать мархта?
—Мзярда тейне ульсь 15 киза, школазонк сась Виктор Николаевич Гудожников. Сон тяни Мордовиянь Народнай артист, шачемас коре велестонк. Эста кочкасть од ломатть Москуву Щепкинскяй училищав тонафнема, штоба сяльде сявомс Национальнай театрав. Асу стирьхнень и цёратнень вешендезь мокшень и эрзянь велетнень эзда. Сянкса тейнек и сась Виктор Николаевич. Сон васендакиге ванозе концертть, конань няфтеськ, сяльде маладсь тейне и кизефтезе, мзяра кизодон. Азыне, што 15. «Кодама ужяль, мес аф 17. Кда 10 классть аделалить, кучеледязь тонафнема Москуву. А сяльде сяволедязь Национальнай театрав. Мзярда аделасак школацень, мумак»,—мярьгсь В.Н. Гудожников.
Тяда меле эвондась сядовок оцю мялезе работамс театраса.
Мзярда аделайне школать, Роза ялгазень мархта срхкаме поступама Москуву театральнай училищав. Ашеськ сода, што тоза документ мархта якайхть аф кизонда школать аделамда меле, а нинге тунда творческяй экзаменонь максома. Лиякс мярьгомс, ашеме кенере.
Киза учемс ашезь сав, сявомазь тонафнема филологическяй факультету. Студенческяй эряфсь салась мяль. Тосовок примань участия сембе пуромкснень эса, морсекшнень мокшэрзянь хорса, конань вятезь В.И.Ромашкин и Н.И.Бояркин.
Мзярда тонафнень 4 курсса, тердемань Мокшэрзянь театрать директороц, драматургсь Александр Иванович Пудин. Кизефнемань, коса тонафнян и ули-аш мялезе варжамс эсь вийнень национальнай театраса. Ся пингста сявомок эряфозе сотовсь театрать мархта.
—Кода васенце пингть маряйть пряцень театраса?
—Васендакиге стакаль, но тейне фалу лездсть цебярь ломатть: В.Н.Гудожников, М.П.Плотникова, Т.В.Весеньева, В.Н.Балаева и лиятне. Мон марянь эздост аф аньцек лезкс, но и оцю кельгома. Лятфтаса, васенце ролезель—Лиза Ксения Петровать «Ташто койсэ» пьесасонза. Эста и арань содавикс эрзянь кяльть мархта.
—Елена Николаевна, тонь кафта стирьхне. Эряфсна сотф кодавок театрать мархта?
—Нинге идькс пингстост улендсть мархтон театраса, мярьголень, кассть тяса. Валентина Ивановна Мишанинать «Кяпе менельге» пьесазонза эрявсь 6 кизоса стирня. Эста режиссёрсь ётафтсь кастинг. Васенда оцю стирезе налхкозе тя рольть мокшекс. Сяльде ёмлаське налхксь, мзярда сяда кассь. Кафцьке содасазь кяльть, семботь шарьхкодьсазь, велеса щаваснон мархта корхтайхть мокшекс. Оцю стирезе тонафни Москуса ВГИК-са. А ёмлась—11 класса, музыкальнай школаса аделазе фортепианонь классть, тяни тонафни вокалса. Тя, улема, эздон теенза сась.
—Сценать лангса налхкоть тняра роль. Кона сембода мала?
—Аф мярьган, што кона-бди рольсь тейне ульсь аф мялезон, тяфтама мзярдовок ашель. Эрь рольсь ётафтови седить пачк, и эрть эздост пяк кельгса. Но сембода пяк лядсь седиезон, улема, васенце ролезе, мзярда налхкине Лизать. Эста ётафтонь пяк лама вий и пяярдень лама сельмоведь. Эрь рольсь—тя монь эряфонь пакшкязе.
—Спасиба!
Источник: Газета «Мокшень правда»
2020 кизоня казьф «За межнациональное согласие» медальса. «Волжская сказка» международнай фестивальса Чебоксары ошса казьф жюринь специальнай дипломса Сюмерьге роленкса «Куйгорож» спектакльса. 2019 кизоня казьф «Мордовия Республикать виияфтомаса путксонкса» Мордовиянь Оцюнять Почётнай знаконц мархта. 2018 кизоня «Майатул» финно-угрань народонь театрань фестивальса Елена Гудожникова сяськсь «Авань инь цебярь рольсь» номинацияса «Велень ризнэмат» спектакльть инкса. Театрань международнай шида инголе корреспондентоньке васетькшнесь Елена Николаевнать мархта и корхнесь эряфонц и профессиянц колга.
—Елена Николаевна, азонтк, пожалняста, кода ётась идькс пингце?
—Тядязе корхнесь, кле, кодак аньцек шачень, пяк кельгине морамазень. Минь сембе семьяньке морсесь. Сайхть инжикс радняньке, стяфтсамазь стул лангс, азондан стихотворения или моран мора. Тядязе ёрась, штоба семьясонк улель весяла, аф сялондомат-тюрендемат кулендевольхть, а морамат. Сяс рамсесть балалайка, гармошка, баян и гитара. Школасонга тонафнемста сидеста няендевонь сцена лангса. Мзярда тонафнень оцю класса, велесонк панчсть музыкальнай школа. Тядяне-аляне ёрасть кучемс фортепианонь классти, кле, сурне кувакат. А мон ашень согласинда, мярьгонь—баянца карман тонафнема. А кельгомась тя инструментти сась шабраньконь эзда, синь ульсь музыкальнай семьясна, сембе морсесть баянца. Стирнясновок, монь ялгазе, маштсь, сяс монга лангозост ванозь пяк ёрань тонадомс. Музыкальнай школаса руководителеньке путнесь мархтонк спектакльхть, няфнеме сценкат. Илатненди фалу аноклакшнеме концертт.
—Кода сотовсь эряфце театрать мархта?
—Мзярда тейне ульсь 15 киза, школазонк сась Виктор Николаевич Гудожников. Сон тяни Мордовиянь Народнай артист, шачемас коре велестонк. Эста кочкасть од ломатть Москуву Щепкинскяй училищав тонафнема, штоба сяльде сявомс Национальнай театрав. Асу стирьхнень и цёратнень вешендезь мокшень и эрзянь велетнень эзда. Сянкса тейнек и сась Виктор Николаевич. Сон васендакиге ванозе концертть, конань няфтеськ, сяльде маладсь тейне и кизефтезе, мзяра кизодон. Азыне, што 15. «Кодама ужяль, мес аф 17. Кда 10 классть аделалить, кучеледязь тонафнема Москуву. А сяльде сяволедязь Национальнай театрав. Мзярда аделасак школацень, мумак»,—мярьгсь В.Н. Гудожников.
Тяда меле эвондась сядовок оцю мялезе работамс театраса.
Мзярда аделайне школать, Роза ялгазень мархта срхкаме поступама Москуву театральнай училищав. Ашеськ сода, што тоза документ мархта якайхть аф кизонда школать аделамда меле, а нинге тунда творческяй экзаменонь максома. Лиякс мярьгомс, ашеме кенере.
Киза учемс ашезь сав, сявомазь тонафнема филологическяй факультету. Студенческяй эряфсь салась мяль. Тосовок примань участия сембе пуромкснень эса, морсекшнень мокшэрзянь хорса, конань вятезь В.И.Ромашкин и Н.И.Бояркин.
Мзярда тонафнень 4 курсса, тердемань Мокшэрзянь театрать директороц, драматургсь Александр Иванович Пудин. Кизефнемань, коса тонафнян и ули-аш мялезе варжамс эсь вийнень национальнай театраса. Ся пингста сявомок эряфозе сотовсь театрать мархта.
—Кода васенце пингть маряйть пряцень театраса?
—Васендакиге стакаль, но тейне фалу лездсть цебярь ломатть: В.Н.Гудожников, М.П.Плотникова, Т.В.Весеньева, В.Н.Балаева и лиятне. Мон марянь эздост аф аньцек лезкс, но и оцю кельгома. Лятфтаса, васенце ролезель—Лиза Ксения Петровать «Ташто койсэ» пьесасонза. Эста и арань содавикс эрзянь кяльть мархта.
—Елена Николаевна, тонь кафта стирьхне. Эряфсна сотф кодавок театрать мархта?
—Нинге идькс пингстост улендсть мархтон театраса, мярьголень, кассть тяса. Валентина Ивановна Мишанинать «Кяпе менельге» пьесазонза эрявсь 6 кизоса стирня. Эста режиссёрсь ётафтсь кастинг. Васенда оцю стирезе налхкозе тя рольть мокшекс. Сяльде ёмлаське налхксь, мзярда сяда кассь. Кафцьке содасазь кяльть, семботь шарьхкодьсазь, велеса щаваснон мархта корхтайхть мокшекс. Оцю стирезе тонафни Москуса ВГИК-са. А ёмлась—11 класса, музыкальнай школаса аделазе фортепианонь классть, тяни тонафни вокалса. Тя, улема, эздон теенза сась.
—Сценать лангса налхкоть тняра роль. Кона сембода мала?
—Аф мярьган, што кона-бди рольсь тейне ульсь аф мялезон, тяфтама мзярдовок ашель. Эрь рольсь ётафтови седить пачк, и эрть эздост пяк кельгса. Но сембода пяк лядсь седиезон, улема, васенце ролезе, мзярда налхкине Лизать. Эста ётафтонь пяк лама вий и пяярдень лама сельмоведь. Эрь рольсь—тя монь эряфонь пакшкязе.
—Спасиба!
Источник: Газета «Мокшень правда»