Эрьванть эсензэ ормазо

Кузьма Абрамовонь 100 иетненень театрась велявтызе сценалангс «Эрьванть эсензэ ормазо» сонзэ содавикс комедиянть. Те -- пьесань колмоце путовксозо: васенцесь теезель 60-це иетнестэ, омбоцесь – 90-цетнестэ. Ды вана ней театрань актёртнэ Галина Самаркина ды Андрей Анисимов панжить 21 пингень Абрамовонь образтнэнь.

Вейке велинесэ эри прясэредькс мирде, кавто эйкакшонь тетясь, икелень бухгалтерэсь ды писаресь Кальдиркин. Мария низэ кеместэ цидярды весе тюнголксэв тевензэ. Парёниха шабрась превейстэ корты орматнеде: «Арасть масторлангсо шумбра ломанть. Ошонсетнень сэви прянь ормась, веленсетнень седе стардтни кутьмеренсесь-ловажансесь. Ансяк ули вейсэнь ормаяк – Кальдиркинэнь (лиякс, симема), те зыянось весень эйс педси, мезеяяк лангс а ваны».

Тевесь одс туи, зярдо велентень сыть од ломанть: Кальдиркинтнэнень сы Мариянь ялаксозо Миколь, Сакалкинтнэнень – Светлана нуцькаст. Ансяк Миколень учось Анюра, эсест веленсесь… Ды вана одтнэнь эсь ормаст чачи – вечкема. Косояк арась весе орматнеде орманенькс. Ды паряк, сон а эрявияк?

Васенцеде невтезь 2015 иень ожоковонь 7 чистэ.