Ретро

Чмутин кедьчелькев ломанесь эрямонзо перть мезе-бути тейсь: ульнесь латонь вельтицякс, тонавтсь эсь тевентень одтнэнь, вечкилизе эсь семиянзо, ульнесь, кода сон ловсь, уцяскавокс. Ансяк шкась чии истя эрязасто! Ды вана сон пенсиясо, низэ кулось… Ды, сырелгадозь, понгсь эрямо покш ошов тейтерензэ ды содамонзо кедьс. Нусманячи, тошначи кершизе сонзэ ошонь покш квартирасонть. Мерема, малавиксэнзэ вакссонзо… ансяк лембе ды чарькодема пельдест а мари.

Неень шкань од ломантне истя пезнасть ярмак мельга чийнемантень, эйкакштояк а зярдо тенст арсемс. Ёжов содамось мусь, кода тевенть весень туртов вадрясто аравтомс: урьвакстомс атянть эрямо тарка марто сыре авине лангс. Тердсь ванномо натой колмо «однэть», ды эрьвантень эсь прядонзо ёвтнемга явсь шка. Ансяк тевесь тусь лия кива: весе одирьватне састь ве шкане. Ды мезе ушодови!..

Александр Галинэнь «Ретрось» -- пейдевтиця ды седейс токиця комедия, пачти тенек сыре ломантнеде, конат, кода иесэтне весе, бажить эрямо, вечкеме, арсезь тевтнень топавтнеме.

Васенцеде невтезь 2017 иень даволковонь 4 чистэ.