Мария Ладо

Стякочинь история
( Очень простая история)

Пушкинская карта
12+
Кувалмось — 2 ч., антракт марто
Стякочинь история
Режиссёрось-путыцясь

Юрий Хвостиков

Художникесь-путыцясь

Дмитрий Васькин

Музыкань путовксось

Валентин Барков

Тевесь моли Азоронь кардазсо, косо эрить Скал, Лишме ды Туво, совсить тов Атякш ды Киска. Варштни тов Шабраськак – Азоронь кекшевть ченьксэнть саламо, тонань Лёшка цёразо – салава чийни Дашкань, Азоронь тейтеренть марто, вастневеме. Тесэ, латопрясо, ютаськак вечкемань вест, мезде мейле тейтересь пекиясь…

Азорось пек а вечксынзе свал иредезь Шабранть цёранзо марто. Сонзэ валозо истямо: мезеяк а кармавтсы сюлмавомс сынст раськенть марто, секскак тейтеренть эряви ускомс ошов эйкакшонть каявтомо.

Ракшатне аволь ансяк чатьмонезь ваныть весе неть тевтнень мельга. Сынь мелявтыть, ризныть ломантнень кисэ. Сынь арсить, кортыть эсь ютковаст кода ломанть, ансяк седеест седе чевтеть ды бажамост седе ванькст.

«Эйкакшонь каявтомась – пек покш пежеть, те, лисни, чавомс аванть потсо апак чачо эйкакшонть! Мезекс? Истя тейнить ансяк ломантне. Мезе теема Дашкань эйденть ванстомга?..»

Ды пеедькшнематне артовить сумборя ризксэв тюссо. Истят тевть сеедьстэ эрсить минек масторонь велетнева: мокшонь, эрзянь, маринь, рузонь… Куш кардамо валось ламо пингеде теде икеле сёрмадозель сех покш Книгасонть: «Иля чаво!».

Васенцеде невтезь 2016 иень ожоковонь 14 чистэ.


ФОТОГАЛЕРЕЯ
Русский 
Мокшанский 
Эрзянский