Куйгорож

Куйгорож, мифологиясто саевксэсь, лангс ваномс пек моли ломань ёнов. Ломанесь сонзэ ливтизе раужо нармунень алсто. Куйгорожонь вийсэ теемс куш мезе! Ансяк сонензэ свал эряви тев, лиякс сон сырги азоронзо каршо.

Эйзэнзэ эзть лекстя ломанень ойме, секскак сон а машты киньгак кисэ мелявтомо, киненьгак седей марямо. Сон апак сюлмаво а азоронзо, а киньгак лиянь марто. Ды казизе сонзэ Сюмерьге ведунавась Пята атинентень цёрынекс. Атясь сыредемазонзо важодсь вачо пекень пештямга, кшисускомонь кис. Берянь иетнестэ, кода велень лия эрицятнеяк, пиштевтсь вачочиде. Ды тесэ – мезе а арси, весе топавтови! Атянть прязояк чаракадсь истямо уцяскадонть. Шабрань уроз тейтерькантень, Уняжанень, певтеме вечкеви Куйгорож. Ды кинень а эряволь истямо алуж, кона тейсы куш мезенть?!

Седе тов весемесь карми молеме ёвксонь ёнкс марто човор. Пятань сюпавчизэ яла касы, велень лия эрицятнень – аламолгады эли тунь ёми. Сюпавчись саеви аволь чаво таркасто – тосто, косо сон седе икеле ульнесь. Ды се, кие истямо лувсо арси сюпалгадомо, ёмавтсы оймензэ. Ансяк Пятань лиси ванстомс оймензэ ды изнямс Куйгорожонь. Ды весемесь ары таркаванзо.

Васенцеде невтезь 2019 иень сундерьковонь 7 чистэ.