Апак лемде эрзянть тейтерезэ
Борис Манджиев / Сергей Бурлаченко
Андрей Алёшкин
Татьяна Чувыкина
Андрей Ромашкин
«Апак лемде эрзянть тейтерезэ» пьесанть юрсо -- Горькиень «Знахарка» ёвтнемазо. Знахаркань, Акулина Ивановна эрзяванть, ды Алёшань сырькаензэ, истя жо Акулина Ивановнань, пертьпельксэнть лангс вановтост, прянь ветямост ламосо вейкеть. Сырькаень чартявкстнэнь Горький невтинзе покш оймеёжо марто. Лангс ваномс эйсэнзэ ульнесь мезе-бути «чопода», седикелень пазтнэнь марто сюлмавозь. Астяко кудоютксо сонзэ лемдсть ведунавакс. (Горькиень шкинеманзо весе ванныцятне тешкстасть: Акулина Ивановна эрзяваль.)
Теде башка, пьесанть анокстамсто нолдавсть тевс Нижней Новгородонь архивстэ Кузьма Алексеевде конёвтне, кона XIX пингенть ушодкссто кепедекшнинзе Нижнегородской губерниянь эрзятнень ды мокшотнень эсест раськень ёжост, коест ванстомо. Эрзятнень лемдемась ютась пек стакасто, ламо ризксэв тевть лиснесть, ансяк вейке пазонтень кемемась вейсэндинзе Равлангонь весе раськетнень, малавгавтынзе сынст лия раськетнень сюпавчитненень, полавтынзе эрямонть молеманзо лангс вановтост. Теке марто эсест пазтнэнень кемемась ялатеке допрок эзь керяво. Христиантнэнь пазонтень кармасть мереме эрзянь прявт пазонть лемсэ, лия пазтнэ човорявсть православиянь иневанькс ломантнень марто. Ды язычествань ламо лия ёнкстнэяк ванстовсть течис.
Васенцеде невтезь 2019 иень даволковонь 21 чистэ.
