Мезекскак апутомань маштомачи, эли Аватне — идемевсть

Тевесь моли XVI пингень Испаниясо. Донья Хуана – сюпав мазый од тейтерь. Маласо таркатнестэ весе цёратне чийнить мельганзо. Палы кувалманзо Дон Педро де Хиронань седеезэяк. Ансяк тейтересь цёратненень мель а яви, валонзо коряс сынь – «кажонь кандыцят… ды пежеть кувалмаст теевем эсь ёжомарямотнень вардокс. Секскак цёрантень прянь максомга седе паро кевпандос прянть сюлмсевтемс».

Ансяк Дон Педронь важодицязо, превей ды пейдемань вечкиця Эрнандо, пек чарькоди вечкемань тевтнес. Ды эсь ёжов теевкссэнзэ топавтсы сень, мезенть кияк а учни. Донья Хуана полавтови, каясы цёрань а вечкицянь чамаксонть. Ды весе несызь: эйсэнзэ, кода весе тейтерьаватнесэ, чуди пси верь, кона сыргозти виев, мейсэяк акирдевикс ёжомарямот.

Васенцеде невтезь 2009 иень сундерьковонь13 чистэ.