Дмитрий Крюков

Чачсь 1979 иень умарьковонь 16-це чистэ. 2000 иестэ прядызе Нижегородской театральной училищань драматической отделениянть. Важодсь Саровонь драматической театрасо. 2007 иестэ саезь ульнесь «Комедiя» Нижний Новгородонь театрань труппасо, тосо 2012 иестэ кармась путнеме спектаклят. 2014 иестэ прядызе театральной искусствань Россиянь институтонь Валерий Беляковичень режиссёронь курсонть. Тонавтсь Нижегородской театральной училищасо.

2023 иестэ кармась важодеме Эрзянь ды мокшонь государственной национальной драматической театрасо прявт режиссёрокс.

Дмитрий Крюков путсь кеменде ламо режиссёронь важодемат, сынь совасть Россиянь театратнень репертуарс. Саранскоень ваныцятне содасызь сонзэ зярыя спектаклянь коряс: «Бесприданница», «Мастер и Маргарита», «Иван-царевич», «Снежная королева».

2014 иестэ кармась «Нижегородская жемчужина» премиянь Лауреатокс.

2016 иестэ «Дом, который построил Свифт» спектаклясо Джонатан Свифтэнь роленть кисэ лиссь Нижний Новгородонь премиянь лауреатокс.