«Театранть анеявикс эрямозо. Ютак, эли Веёндонсетненень кись пирязь!» экскурсия

«Театранть анеявикс эрямозо. Ютак, эли Веёндонсетненень кись пирязь!» экскурсия

«Театранть анеявикс эрямозо. Ютак, эли Веёндонсетненень кись пирязь!» экскурсиясь – те покш уцяска неемс эсеть сельмесэ, кода важоди ошонь сехте лембе, валдо театрась.

Театрань покш кудованть часонь перть яксемстэ несынк аволь ансяк ванома залонть, теде башка, озатадо сех «покш» инжетнень туртов таркатнес, листядо сценалангс, варштатадо вишка сценантень, карматадо ламо содамо театранть эрямокидензэ, мельспаросо ванносынк «Эрзянь-мокшонь эрямонь чувто» сельмень кадовтыця люстранть, соватадо залс ды озатадо самай се стуворонть экшс, косо 2007 иень аштемковонь 21 чистэ аштесть колмо масторонь прявтветийтне: Россиянь Президентэсь Владимир Путин, Финляндиянь Президентэсь Терья Халлонен, Венгриянь Премьер-министрась Ференц Дьюрчань.


СОДАВТЫЦЯ ЭКСКУРСИЯ

Театранть марто содавтыця экскурсиясонть тенк панжсызь сценалангонь ды удалонзо ваныцянтень анеявикс салавачитнень:

– кода аравтневить пек покш декорациятне;

– кода важодить стамонь, оршамопелень пурнамонь ды лия куротне;

– мейсэ сценань оршамотне явовить алкуксонь эрямонь сельмс каятыця ламо тюсонь оршамотнеде;

– мейсэ нолдави театрань «машинась».

Вейке истямо экскурсиясь арсезь 25-30 эйкакшос ды мельгаст ваныця покштненень.

Кувалмозо – 40-45 минутат (ашти сень эйстэ, кодамо иесэ эйкакшнень ветяви).

Питнезэ: 200-250 целковойть (ашти сень эйстэ, зяро ломаннень ветяви).


ТЕАТРАНЬ АНЕЯВИКС ПЕЛЬКСЭНТЕНЬ ЭКСКУРСИЯ (НАЛКИЦЯТНЕНЬ ПЕЛЬДЕ МАСТЕР-КЛАСС МАРТО)

Экскурсиясь – те аволь ансяк од содамочить. Теде башка, те – театрань содавикс налксицятнень марто вастовомат, кортамот, конатнеде мейле кадовить кенярксов ледстнемат, од содамочить.

Экскурсиясь ютавтови аволь покш куронень, 20 ломанде а седе ламо.

Кувалмозо – 60 минутат.

Питнезэ: 300-350 целковойть (питнесь ашти кочказь мастер-класстонть).


ТЕАТРАНЬ НЕВТЕВКС МАРТО ЭКСКУРСИЯ

Театрань невтевкс марто экскурсиясь – те эрзянь ды мокшонь кезэрень пингес понгома, косо невтевить койтне-кирдатне.

Экускурсиясь ютавтови куротненень (60 ломанде а седе ламо).

Кувалмозо: 60 минутат.

Питнезэ: 400-500 целковойть (ашти сень эйстэ, зяро ломанть куросонть).

Театрань вузонь студенттнэнень театранть марто содавтомань экскурсиятне икелепелев пшкадемань-сёрмань коряс ютавтовить стякодо.

Мелень коряс эрьва экскурсиясь ютавтови кодамояк спектаклянть марто сюлмавозь шкасто. Кода те юты? Инжетне васня вансызь спектаклянть, мейле сыргить театранть потсо эрямонзо ванномо. Сынь несызь театрань эрьва пелькскенть, кармить содамо, косо ды кода ванстовить декорациятне, лисить сценалангс. Содавтомга: бути те шкане залсонть моли чокшнень ваномантень валдонь максоманть коряс важодема, сценалангс лисемстэ а свал эрси максозь эрявикс валдось.

Экскурсиятнень шкасто мереви теемс фотот ды видеот.

Экскурсиятнень ютавтомга икелепелев гайневтема телефонганть: 8(8342) 38-07-04; 8 (8342)47-25-33.



Русский 
Мокшанский 
Эрзянский