Бути тынь сыде веёндо ды а эрзянь, а мокшонь кельтнень а содасынк, – чарькодеманть коряс стакачить а кармить. Малав весе невтевкстнэ, экскурсиятне ды лия тевтеематне молить рузкс. Эрзянь ды мокшонь кельтне тевс нолдавить ансяк эсест ванныцятнень мелест коряс.
Мезе эйсэнк учи, кодамо шкань перть моли, ды кодашка питнесь?
Орталангсо инжетнень вастыть ёвксонь откертне, конат невтьсызь ЯкшамАтянтень кинть. Килангсо учить ламо стакачить: кармавтомат, тевень панжомат, ёмамот, лия пирявкст. Истя жо секе-тев лиснить ЯкшамАтянь лездыцянзо, конат ёвтнить содамоёвкст, тердить налксеме, киштеме эли пачтить ЯкшамАтянь кодаткак кармавтомат. Ёвксонь кись прядови ЯкшамАтянь кудосо-резиденциясо.
Весемесь моли 1 час 10 минутат.
Билетэнть питнезэ: 600 целковойть эйкакштненень (1 иестэ саезь 14 иес), 400 целковойть покштненень.
Эйкакшонь билетэнь питнесь ашти резиденцияв молемасто, театрань путовкссто ды ЯкшамАтянь пельде ламбамо казнестэ.
Кода рамамс билеттнэнь, эряви-арась икелепелев пандома?
30-35 ломаньстэ куротненень билеттнэнь рамама икелевгак, чинть ды шканть икелевгак кортавтозь. Те тееви электронной почтава (nacteatrrm@yandex.ru) ды телефонга (8342)38-07-04.
Билеттнэнь лангс бронть теема икелепелев. Ансяк! Бути, вете чинь кадовозь, питнест апак пандо, бронесь лангстост каяви, рамицятненень теде апак пачтя.
Башка, аволь куросо сыцятненень: улить арасть билетт, кевкстема 8(8342)38-07-03 телефонганть эли театрань официальной сайтстэ.
Кода пачкодемс?
Кода сюлмавомс.
