«Казеде книгат вечкезь» акциясь

МРДБ-нь од ломанень ловномань Центрань важодицятне явсть мель «Казеде книгат вечкезь» весероссиянь кавксоце акциянтень. Сон алтави книгань каземань Раськеютконь чинтень, кона тешкстави даволковонь 14-це чистэ.

Те чистэнть книгань казицятнень ютксо ульнесть библиотекань ловныцятне ды акциянь свалшкань участниктне. Сынь казизь эсь вечкевикс книгаст, кадык эрьвась эйстэст мусы ловныцянзо. Казезь книгатне эрьва кодат: неень шкань проза, авань романт, детективть, фантастика, рузонь классиктнень книгат, эйкакшонь литература.

Казицятнень ютксо ульнесть:

Филологиянь наукань кандидатось, эрзянь ды мокшонь кельтнень тонавтыцясь, «Мордовия» ГТРК-нь «Сияжар» национальной вещаниянь отделэнь корреспондентэсь – Данильчев Александр Алексеевич.

Эрзянь ды мокшонь национальной драматической театрань артисттнэ – Татьяна Биушкина, Анатолий Нуштайкин, Евгений Благов.