«ЧЕЛОВЕК ТЕАТРА» вишка спектаклятнень Раськеютконь театрань XI-це фестиваль-лаборатория

Даволковонь 27-це чистэ саезь эйзюрковонь 4-це чис Челябинск ошсо ютавтови «ЧЕЛОВЕК ТЕАТРА» вишка формань спектаклятнень Раськеютконь театрань XI-це фестиваль-лаборатория. Фестивалесь панжови Од Художественной театранть ды Челябинск ошонь прявтонть, Челябинскоень Администрациянь культурань Управлениянь лезксэст вельде.

Фестивалень программасонть невтевить 13 путовкст: Московсто, Санкт-Петербургсто, Вологдасто, Пермьстэ, Челябинскойстэ, Саранскойстэ, Донецкойстэ, Новосибирскойстэ, Омскойстэ, Самарасто. Учовить омбо масторонь инжетькак – васенцеде фестивальсэ ды Челябинскойсэ – Ильяс Омаров лемсэ Костанайской областень казахонь драмань театрась.

Фестивалень прявт тевекс омбоце ие карми «ЧЕЛОВЕК ТЕАТРА в поддержку защитников Отечества» творческой чокшнесь.

Тосо кармить театрань ды кинонь содавикс артисттнэ: РСФСР-нь народной артистэсь Александр Михайлов, содавикс поэтэсь, СВО-нь участникесь Дмитрий Артис, Од Художественной театрань, «Омнибус» Златоустонь театрань актёртнэ, Московонь, Донецкоень ды лия ошонь артисттнэ, сынь кармить кода фестивалень участникть, кой-кить те чокшнестэнть лисить сцена лангс.

Фестиваленть пингстэ невтеви Донбассонь тюрицятнеде документальной фильма, ютавтовить режиссёронть-документалистэнть Олеся Шигинань марто творческой вастовома, писателень Союзсо поэтэнть Дмитрий Артис марто творческой вастовома.