Весеньева Тамара Васильевна

Весеньева Тамара Васильевна

Чачсь 1951 иень таштамковонь 14 чистэ. 1969 чистэ прядызе МАССР-нь Государственной музыкально-драматической театранть пингстэ театрань студиянть. 1990 иестэ саезь важоди театрасо.

Финнэнь-угрань раськень театратнень раськеютконь фестивальтнень лауреат (1994, Финляндия; 1999, Йошкар-Ола), «Федерация-92» Весероссиянь театрань фестивалень лауреат (1992, Чебоксары), «Театральный Саранск» фестивалень «Тейтерьавань сехте вадря роль» номинациянь лауреат (В. Мишанинань «Зярдо орталангсо урны киска»» спектаклясонть Нюрань ролесь).

1992 иестэ тензэ максозь «Мордовия Республикань Заслуженной артист» Почётной лемесь. 2010 иестэ кармась Мордовия Республикань Прявтонь театрань искусствасо премиянь лауреатокс Х. Вуолийокинь «Юстина» спектаклясо Сенаторшань роленть кисэ.

Варчни виензэ режиссурасо, путсь кавто спектаклят: А Терёшкинэнь «Сороковины» ды Л. Толстоень «Власть тьмы» пьесатнень коряс.

Театрасо сон налксесь сядодо ламо рольть. Казезь Российской Федерациянь Культурань ды массовой коммуникациянь министерствань ды Россиянь культурань важодицятнень профсоюзонь Почётной грамотатнесэ.

2017 иестэ тензэ максозь «Мордовия Республикань народной артист» покш лемесь.


Русский 
Мокшанский 
Эрзянский