Нуштайкин Анатолий

Чачсь 1970 иень медьковонь 10 чистэ. 1997 иестэ прядызе Республикань культурань училищань эстрадань отделениянть «Вокально-инструментальной ансамблянь руководитель» специальностень коряс. Важодсь райононь Культурань кудонь прявтокс, 1997 иестэ сась Мокшонь-эрзянь государственной национальной драмань театрав.

Ульнесь Финнэнь-угрань раськень театратнень раськеютконь зярыя фестивальсэ. Казезь Мордовия Республикань Культурань министерствань ды Мордовия Республикань Госсобраниянь Почётной грамотасо, Российской Федерациянь СТД-нь Почётной грамотасо. Налксесь кементь рольть.

2019 иестэ А. Пушкинэнь «Капитанонь стирня» («Капитанонь тейтерне» спектаклясо налксеманть кис кармась Мордовия Республикань Прявтонь театрань искусствасо премиянь «Омбоце планонь роль» номинациянь лауреатокс.