Мишечкин Дмитрий Михайлович

Мишечкин Дмитрий Михайлович

Чачсь 1982 иень медьковонь 3 чистэ. 2004 иестэ прядызе Н. П. Огарёв лемсэ Мордовиянь государственной университетэнь национальной культурань факультетэнть (специальностесь «Актёрское мастерство») ды саезель Мокшонь-эрзянь государственной национальной драмань театрав. Пек вадря дебютокс тензэ ульнесь раськень эпосонть коряс «Тюштя» спектаклясонть озатянь ролесь. Налксизе сонзэ Финнэнь-угрань раськень театратнень раськеютконь фестивальсэяк. Весемезэ важодемань иетнень перть налксесь кеменде ламо прявт рольть.

2007 иестэ В. Шукшинэнь ёвтнеманзо коряс «Латось сыргась» спектаклясонть Веня Зяблицкоень роленть кис тензэ максозь Мордовия Республикань Прявтонь премия «Цёраломанень сехте вадря роль» номинациясонть.

2011 иестэ Мордовия Республикань Прявтонь премиясь тензэ максозель А. Толстоень «Алюха» пьесанзо коряс спектаклясонть Мебиусонь роленть кис («Цёраломанень сехте вадря роль»). 2016 иестэ казезь РМ-нь Культурань ды туризмань министерствань Почётной грамотасо.

2017 иестэ «Стакшинь история» («Стякочинь история») спектаклясо Шабрань роленть кис тензэ максозь «Омбоце планонь сехте вадря роль» номинациясонть Мордовия Республикань Прявтонь премия.

2018 иестэ «Майатул» Финнэнь-угрань раськень театратнень раськеютконь XII фестивальсэ «Велень ризнэмат» спектаклясонть Колянь роленть кис казезь «Цёраломанень омбоце планонь сехте вадря роль» номинациянь дипломсо.

2019 иестэ тензэ максозь «Мордовия Республикань заслуженной артист» Почётной лемесь.

2020 иестэ тешкстазь Мордовия Республикань Прявтонь премиясо «Цёраломанень сехте вадря роль» номинациясо В. Мишанинань «Куйгорож» спектаклясонть Пятань роленть кис. 2020 иестэ Пятань роленть кис (Куйгорож», В. Мишанина) «Майатул» Финнэнь-угрань раськень театратнень раськеютконь XIII фестивальсэ (Йошкар-Ола) казезь «Цёраломанень сехте вадря роль» номинациясонть дипломсо, «Волжская сказка» Раськень ТЮЗ-онь ды од ломанень театратнень раськеютконь V фестивальсэ (Чебоксары) - жюринь башка дипломсо.


Русский 
Мокшанский 
Эрзянский