Исайчева Екатерина

Чачсь 1982 иень таштамковонь 24 чистэ. 2004 иестэ прядызе Н. П. Огарёв лемсэ Мордовиянь государственной университетэнь национальной культурань факультетэнть «Актёрское мастерство» специальностень коряс ды саезель важодеме Мокшонь-эрзянь государственной национальной драмань театрав. Те шканть перть налксесь васенце ды омбоце планонь колоньгеменде ламо рольть.

Сон Мордовия Республикань Прявтонь премиянь лауреат – В. Мишанинань «Толмар» пьесанть коряс спектаклясонть пек вадря дебютонть кис (2008), «От марта до марта» театрань пелькстамосонть «Актёрская удача молодой актрисы» номинациясонть изниця (2009), Вишка ваныцятненень театрань искусствань Е. В. Евстигнеев лемсэ II ды III фестивальтнень лауреат – Э. Портерэнь «Уроки радости» романонзо коряс спектаклясонть «Тейтерьавань сехте вадря роль» номинациясонть (2009) ды Е. Фридманонь «Каштанка» пьесанзо коряс спектаклясонть «Литературань героень сценалангсо сехте вадря невтема» номинациясонть (Нижегородской область, Саров ош, 2011).

2011 иестэ Мордовия Республикань Прявтонть Указонзо коряс тешкстазь «Лучший по профессии» дипломсо. 2012 иестэ кармась тонавтнеме С. А. Герасимов лемсэ ВГИК-нь сценариень-киноведениянь факультетсэ драматургиянь мастерскойсэ (А. Я. Ининэнь мастерскойсэ).

2014 иестэ ВГИК-ень модамасторонь XXXIV фестиваленть юрсо ютавтовикс сценариень пелькстамосонть «Сценарий короткометражного игрового фильма» номинациясонть «В гостях у бабушки» сценариенть кис тензэ максозель омбоце таркась.

2015 иестэ И. Ф. Кузьмин режиссёронть марто сёрмадызь Ине Изнямонь 70 иетненень алтазь «Не забывай незабываемое» пьесанть.

2016 иестэ прядызе ВГИК-енть. Дипломонь тевензэ экзаменэнь комиссиясь ловизе курсасонть сехте вадрякс.

2017 иестэ казезь «От марта до марта» Мордовия Республикань СТД-нь театрань конкурсонь дипломсо кода од драматург («Восточная сказка» пьесанть-ёвксонть кис). «Поют актёры драматических театров» «Товарищ память» республикань II фестивальсэнть-конкурссонть (2017) кармась III степенень лауреатокс.

2019 иестэ тензэ максозь «Мордовия Республикань заслуженной артист» Почётной лемесь.