Гудожникова Елена Николаевна

Гудожникова Елена Николаевна

Чачсь 1970 иень даволковонь 14 чистэ. Прядызе Н. П. Огарёв лемсэ Мордовиянь государственной университетэнь филологиянь факультетэнть. 1992 иестэ саезь – Мокшонь-эрзянь государственной национальной драмань театрань актриса. Налкси ламо спектаклясо.

Л. Толстоень «Власть тьмы» пьесанзо коряс спектаклясонть Маринкань роленть налксеманзо кис яволявтозь Мордовия Республикань Прявтонь премиянь лауреатокс (2012).

Раськень театрань искусствантень покш путовксонзо кис тензэ максозь Мордовия Республикань Культурань министрань Благодарность. «Поют актёры драматических театров» «Товарищ память» республикань II фестивалень-конкурсонь III степенень дипломонь лауреат.

2018 иестэ «Майатул» Финнэнь-угрань раськень театратнень раськеютконь XII фестивальсэнть «Велень ризнэмат» спектаклясо Катянь роленть кис тензэ максозь «Тейтерьавань сехте вадря роль» номинациянь Диплом.

2019 иестэ казезь «За личный вклад в развитие Республики Мордовия» Мордовия Республикань Прявтонь Почётной знаксо.

2020 иестэ казезь «За межнациональное согласие» медальсэ, «Волжская сказка» раськень ТЮЗ-онь ды од ломанень модамасторонь V фестивальсэ (Чебоксары) В. Мишанинань «Куйгорож» спектаклясо Сюмерьгень роленть кис тешкстазь жюринь башка дипломсо.

2022 иестэ тензэ максозь «Заслуженный артист Республики Мордовия» Почётной лемесь.


Русский 
Мокшанский 
Эрзянский