Чудаев Тимофей

Чачсь 1968 иень эйзюрковонь 14 чистэ. Прядызе Н. П. Огарёв лемсэ Мордовиянь государственной университетэнь национальной культурань факультетэнть (специальностесь «Актёрское мастерство»). 1995 иестэ саезель важодеме Мокшонь-эрзянь государственной национальной драмань театрав. Неть иетнень перть налксесь васенце ды омбоце планонь рольть, теде башка – ламо эпизодонь рольть.
Мордовия Республикань Прявтонь премиянь лауреат «Лучшая роль второго плана» номинациясонть (В. Мишанинань «Толмар» спектаклясь, 2008).
2015 иестэ тензэ максозь «Мордовия Республикань заслуженной артист» Почётной лемесь.